काठमाडौं– प्रधानमन्त्री केपी शर्मा ओलीले बंगलादेशसँग तत्काल युरिया मल आपूर्तिका लागि अनुरोध गरेका छन्।
बंगलादेशका प्रधानमन्त्री सेख हसिनासँग मंगलबार टेलिफोन संवाद गरी प्रधानमन्त्री ओलीले यस्तो आग्रह गरेका हुन्।
प्रधानमन्त्रीले हसिनासँग नेपालमा तत्काल युरिया मल आपूर्तिका लागि ट्विट गरेर जानकारी दिएका छन्।
आफ्नो अनुरोधलाई बंगलादेशी प्रधानमन्त्रीले सकारात्मक रुपमा लिएको प्रधानमन्त्रीले उल्लेख गरेका छन्।
दुई देशका प्रधानमन्त्रीबीच नेपाल–बंगलादेश सम्बन्धबारे उपलब्धिपूर्ण छलफल भएको छ।
नेपालमा अहिले युरिया मलको अभाव देखिएको छ। किसान दैनिक कृषि सामग्री केन्द्रहरुमा धाइरहेका छन्।