तोलामा ९ सयले बढ्यो सुनको मूल्य

काठमाडौं– साेमबारको तुलनामा आज सुन तोलामा ९ सय रुपैयाँले बढेको छ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला ९८ हजार ४०० रुपैयाँ तोकिएको छ।

साेमबार तोलाको ९७ हजार ५०० मा कारोबार भएको थियो।

त्यस्तै आज तेजाबी सुनको मूल्य तोलाको ९७ हजार ९०० कायम भएको छ। साेमबार भने ९७ हजारमा कारोबार भएको थियो।

आज चाँदी मूल्य तोलाको एक हजार ३९५ छ। साेमबार एक हजार ३६५ थियो।