वीरगन्ज- बारा जिल्लाको कोल्भि घर भएका एक कोरोना संक्रमित पुरुषको वीरगन्जमा मृत्यु भएको छ ।
वीरगन्जस्थित गण्डक कोभिड अस्थायी अस्पतालमा उपचाररत ६० वर्षीय पुरुषको मंगलबार बिहान ५ बजेतिर मृत्यु भएको अस्पतालले जनाएको छ।
उनलाई गत भदौं १० गते अस्पताल भर्ना गरिएको थियो। मधमेहका समेत रोगी रहेका उनलाई आइसियूमा राखेर उपचार गरिएको थियो।
वीरगन्जमै सोमबार राति अर्का कोरोना संक्रमित पुरुषको पनि मृत्यु भएको थियो। ठेगना नखुलेका ६० वर्षीय पुरुषको मृत्यु भएको हो।
योसँगै कोरोनाबाट मृत्यु हुनेको संख्या २ सय ३५ पुगेको छ। पछिल्लो १२ घण्टामा वीरगन्जमा २, चितवनमा ४ र धरानमा एकजनाको मृत्यु भएको छ ।
सोमबार अपरान्हसम्म कोरोनाबाट २ सय २८ जनाको मृत्यु भएको स्वास्थ्य मन्त्रालयले जनाएको थियो । पछिल्लो १२ घण्टामा थप ७ जनाको मृत्यु भएसँगै मृतकको संख्या २ सय ३५ पुगेको हो ।