सक्रिय संक्रमित १७,८२२ निको हुने २१,४१०

काठमाडौं– कोरोना भाइरसबाट सक्रिय संक्रमितको संख्या १७ हजार ८२२ रहेको छ।

स्वास्थ्य तथा जनसंख्या मन्त्रालयका अनुसार यी संक्रमितहरुको विभिन्न अस्पतालमा उपचार भइरहेको छ।

संक्रमणमुक्त हुनेको संख्या २१ हजार ४१० छ। यो कुल संक्रमितको ५४ प्रतिशत हो। 

निको हुनेमा प्रदेश १ मा एक हजार ५७०, प्रदेश २ मा चार हजार ८५३, बागमतीमा एक हजार ३२८, गण्डकीमा एक हजारर ७०८ छन्।

यस्तै प्रदेश ५ मा अहिलेसम्म चार हजार ९३० जना, कर्णालीमा दुई हजार ३८ र सुदूरपश्चिममा चार हजार ९३८ जना संक्रमणमुक्त भएका छन्।

अहिलेसम्म नेपालमा ३९ हजार ४० जनामा कोरोना संक्रमण भएको छ। सोमबार मात्र ८९९ जना संक्रमित थपिएको मन्त्रालयले जनाएको छ।