वीरगन्जमा थप ४१ जनामा कोरोना संक्रमण पुष्टि

वीरगन्ज- वीरगन्जको नारायणी प्रयोगशालामा गरिएको परिक्षणमा थप ४१ जनामा कोरोना भाइरसको संक्रमण पुष्टि भएको छ।

विभिन्न स्थानबाट संकलन गरिएको स्वाबका नमुनाहरुलाई परीक्षण गर्दा थप ३८ र जीन एक्स्पर्ट प्रविधिबाट परिक्षणमा ३ जना गरि थप ४१जनामा कोरोना भाइरसको संक्रमण देखिएको छ।

संक्रमण हुनेमा ६ वर्षीय बालकदेखि ७० वर्षीय वृद्धसम्म रहेका छन् । थपिएका संक्रमितहरु पर्सा, बारा, सर्लाहीकासमेत बासिन्दा रहेका हुन् ।

जसमा पर्साका ३२ जना, बाराका ४ जना, सर्लाहीका एक जना र जिन एक्स्पर्ट प्रविधिबाट परिक्षण गरिएको ३ जनासहित ४ ठेगाना खुलेको छैन । संक्रमण पुष्टि हुनेमा ८ जना महिला र ३३ जना पुरूष रहेको नारायणी अस्पतालका प्रवक्ता डा अतुलेशकुमार चौरसियाले जानकारी दिए ।

उनका अनुसार पर्सामा थपिएका ३२ जना संक्रमितमध्ये वीरगन्ज महानगरपालिकाका २१ जना, कालिकामाई गाउँपालिकाका ९ जना र जिराभावानी गाउँपालिकाको २ जना रहेका छन् ।

वीरगञ्ज महानगरपालिकाको वडा नम्बर ११ का १२ जना, वडा नम्बर २ का ३ जना, वडा नम्बर २० का २ जना र वडा नम्बर ५, ६, १३ र १५ का एक/एक जनामा संक्रमण पुष्टि भएको छ ।

त्यस्तै कालिकामाई गाउँपालिका वडा नम्बर १ र ४ का ४र४ जना र वडा नम्बर ३ मा एक जनामा संक्रमण देखिएको छ भने जिराभावानी गाउँपालिकाको वडा नम्बर २ का २ जना रहेका छन् ।

त्यस्तै बाराको कोल्भी नगरपालिकाको ३ जना र महागढ़ीमाई नगरपालिका वडा नम्बर ११ का एक जना संक्रमित थपिएका छन् भने एक जना सर्लाहीका पनि रहेका छन् ।