बुधबार, कात्तिक ५, २०७७

खेलकुद
1602945921.jpg

काठमाडौं – १२ दिनको अक्टोबर ब्रेकपछि इङ्लिस प्रिमियर लिग (ईपीएल) आज साँझ  सुरु भएको छ।

पहिलो खेलमा डिफेन्डिङ च्याम्पियन लिभरपुल एभर्टनसँग बराबरीमा रोकियो। २–२ गोल गर्दै दुवै टिमले १–१ अंक बाँडेका हुन्।

एभर्टनका लागि माइकल कियन र डोमिनिक काल्भर्ट लनले १–१ गोल गर्दै खेललाई बारबरीमा ल्याएका थिए।

खेलको तेस्रो मिनेटमा एन्ड्रिउ रोबर्टसनको पासमा साडियो मानेले गोल गर्दै लिभरपुललाई अग्रता दिलाए। तर, जेम्स रोड्रिगेजको पासमा कियनले गोल गर्दै खेल बराबरीमा ल्याइहाले।

दोस्रो हाफको ७२ औं मिनेटमा मोहम्मद सलाहले गोल गर्दै लिभरपुललाई पुनः अग्रता दिलाए। त्यो अग्रता एभर्टनले ७१ औं मिनेटमा खोस्यो।

लनले एल डिग्नीको पासमा गोल गर्दै खेललाई बराबरीमा ल्याए। बराबरीका साथ एभर्टन शीर्ष स्थानमा छ। उसले पाँच खेलमा चार जित र एक बराबरी खेल्दै १३ अंक बनाएको छ भने लिभरपुल पाँच खेलबाट १० अंक बनाउँदै तेस्रो स्थानमा छ।

एभर्टनले जारी सिजनको सुरुवातमा राम्रो प्रदर्शन गरिरहेको छ। अंकतालिकामा दोस्रो स्थानको चेल्सीको पनि १० अंक छ। चेल्सीले आज साउथ ह्याम्टनसँग खेलिरहेको छ।

प्रतिक्रिया दिनुहोस्