काठमाडौं– स्वास्थ्य तथा जनसंख्या मन्त्रालयले कोरोना संक्रमित बिरामीलाई विना समन्वय रिफर गर्दा यदि बिरामीको ज्यान तलमाथि भए रिफर गर्ने अस्पताल नै जिम्मा लिनपर्ने जनाएको छ ।
कतिपय अस्पतालहरुले समन्वय नगरी, स्वास्थ्यकर्मीबिना बिरामीलाई रिफर गरिरहेको गुनासो आएको र यसो गर्दा बिरामीलाई समस्या भए सो को जिम्मेवार रिफर गर्ने अस्पताल नै हुनुपर्ने मन्त्रालयका प्रवक्ता डा. जागेश्वर गौतमले बताए ।
कतिपय अस्पतालले कोभिड अस्पतालमा बेड भए नभएको जानकारी नभई, उपचार गर्ने टिमसँग सम्पर्क नगरी, स्वास्थ्यकर्मी बिना बिरामीलाई पठाइएको भन्दै त्यसो नगर्न उनले आग्रह गरे । बिरामीलाई रिफर गर्दा अन्य अस्पतालमा समन्वय गरेर मात्रै पठाउन मन्त्रालयको अनुरोध छ।