बिहिबार, कात्तिक १३, २०७७

Happy Dashain
समाचार

प्रदेश १ मा कोरोनाबाट थप ५ जनाको मृत्यु, ४८१ कोरोना संक्रमित थपिए

1601530463.jpg

विराटनगर– पछिल्लो २४ घण्टामा प्रदेश १ मा कोरोना संक्रमणबाट थप ५ पुरुषको मृत्यु भएको छ। झापामा ३, मोरङ र सुनसरीमा १–१ जनाको मृत्यु भएको छ। हालसम्म मृत्यु हुनेको संख्या १२९ पुगेको छ।

प्रदेश १ मा थप ४८१ जना कोरोना संक्रमण देखिएको छ। मोरङमा १९५, सुनसरीमा १७०, झापामा ७२, संखुवासभामा १५, इलाममा ९, खोटाङमा ४, भोजपुरमा १ र प्रदेश १ बाहिरका १५ जना रहेको सामाजिक विकास मन्त्रालयले जनाएको छ। 

मन्त्रालयका अनुसार विराटनगरमा १२४ जनामा संक्रमण देखिएको छ। संक्रमण पुष्टि भएकामा ५६ महिला र ६८ पुरुष रहेका छन्।

मोरङको सुन्दरहरैचा, उर्लाबारी र बुढीगंगामा १३–१३, बेलबारी र जहदामा ९-९, लेटाङमा ८, रतुवामाई, धनपालथान र पथरीशनिश्चरेमा १–१ र स्थानीय तह नखुलेका ३ जनाको रिपोर्ट पोजेटिभ आएको छ।

सुनसरीको धरानमा १०९, इनरुवामा २९, इटहरीमा १५, रामधुनीमा ९, देवानगञ्ज र दुहवीमा २–२, बराहक्षेत्र र गढीमा १–१ र स्थानीय तह नखुलेका २ जनाको रिपोर्ट पोजेटिभ आएको सामाजिक विकास मन्त्रालयले जनाएको छ।

उता झापाको विर्तामोडमा २३, दमकमा १३, भद्रपुर र कनकाईमा ७–७, मेचीनगरमा ६, कमल गाउँपालिकमा ४, अर्जुनधारामा ३, शिवसताक्षीमा २, गौरादह र हल्दीबारीमा १–१ र स्थानीय तह नखुलेका ५, संखुवासभाको मकालुमा ८, खाँदबारीमा ३, चैनपुरमा २, सभापोखरी र स्थानीय तह नखुलेका १–१ जनाको रिपोर्ट पोजेटिभ आएको छ।

इलामको इलाममा ६, चुलाचुलीमा ३, खोटाङको  खोटेहाङ र साकेलामा १–१ र स्थानीय तह नखुलेका २, भोजपुरको षडानन्दमा १ जनाको रिपोर्ट पोजेटिभ आएको छ।

प्रदेश १ मा कोरोना संक्रमितको संख्या १३ हजार १८३ पुगेको छ। 

प्रदेश १ मा शनिबार १ हजार ४५० जनाको पीसीआर परीक्षण गरिएको छ। परीक्षण गरिएकामध्ये १९९ महिला र २८२ पुरुषको रिपोर्ट पोजेटिभ आएको छ। हालसम्म १ लाख ४५ हजार ३८३ जनाको पीसीआर परीक्षण गरिएको सामाजिक विकास मन्त्रालयले जनाएको छ।

प्रतिक्रिया दिनुहोस्