विराटनगर–प्रदेश १ मा पछिल्लो २४ घण्टामा ९५ जना कोरोना संक्रमित थपिएका छन्। मोरङमा ४५, सुनसरीमा ३७, झापामा नौ, संखुवासभामा दुई, प्रदेशबाहिरका दुई जना रहेको सामाजिक विकास मन्त्रालयले जनाएको छ।
विराटनगरमा आइतबार ४२ जनामा संक्रमण देखिएको छ। मन्त्रालयका अनुसार महिला र पुरुष २१–२१ को रिपोर्ट पोजेटिभ आएको हो। मोरङको लेटाङमा एक महिला, पथरी शनिश्चरे र रंगेलीमा एकएक पुरुषमा संक्रमण देखिएको छ। सुनसरीको दुहबीमा १४ पुरुष, इटहरीमा चार र महिला चार पुरुष, इनरुवामा एक महिला पाँच पुरुष, धरानमा एक महिला र पाँच पुरुष, बर्जुमा दुई र गढीमा एक पुरुषको रिपोर्ट पोजेटिभ आएको छ।
झापाको कनकाईमा दुई महिला ६ पुरुष, झापा गाउँपालिकामा एक पुरुष, संखुवासभाको खाँदबारीमा एक पुरुष, स्थानीय तह नखुलेकी एक महिला र प्रदेश १ बाहिरका एक महिला र एक पुरुषमा कोरोना संक्रमण देखिएको मन्त्रालयले जनाएको छ।
प्रदेश १ मा आइतबारसम्म कोरोना संक्रमित हुनेको संख्या तीन हजार ३११ पुगेको छ। प्रदेश १ मा कोरोना संक्रमणबाट ३२ जनाको मृत्यु भएको छ। प्रदेश १ स्थायी ठेगाना भएका २३ र नौ जना अन्य प्रदेशका छन्।
प्रदेश १ मा आइतबार ९ जना डिस्चार्ज भएका छन्। उनीहरु सबै बीपी कोइराला स्वास्थ्य विज्ञान प्रतिष्ठान धरानबाट डिस्चार्ज भएका हुन। डिस्चार्ज हुनेको संख्या एक हजार ५३४ पुगेको छ । प्रदेश १ मा आइतबार १ हजार १७६ जनाको पीसीआर परीक्षण गरिएको छ। परीक्षण गरिएका मध्ये ३२ महिला र ६३ पुरुषको रिपोर्ट पोजेटिभ आएको हो। प्रदेशमा ८७ हजार ५९८ जनाको पीसीआर परीक्षण भएको छ।