डा.केसीलाई हिँड्डुलमा रोक लगाएको प्रति चिकित्सक संघको आपत्ति

काठमाडौं- नेपाल चिकित्सक संघले चिकित्सा क्षेत्र सुधारका अभियान्ता डा. गोविन्द केसीलाई सरकारले हिँड्डुलमा रोक लगाएको प्रति चिन्ता व्यक्त गरेको छ।

संघले आज (शनिबार) एक विज्ञप्ति जारी गर्दै संघका आजीवन सदस्य डा. केसीलाई आफू बसेको स्थानबाट बाहिर जान, हिड्डुल गर्न रोक लगाउन सुरक्षाकर्मी परिचालन गरिएको प्रति गम्भीर ध्यानकर्षण भएको जनाएको हो।

चिकित्सा शिक्षा र स्वास्थ्य क्षेत्र सुधार तथा सुशासनका अभियान्ता डा. केसी कोभिड–१९ को संक्रमणको समयमा समेत नेपालको दुर्गम स्थानमा गई त्यहाँका जनतालाई निरन्तर स्वास्थ्य सेवा प्रदान गरेर चिकित्सकीय धर्म निर्वाह गरेकोमा सरकारले अमानवीय व्यवहार गरी उनलाई हिड्डुलमै रोक लगाएको संघको आरोप छ।

डा. केसी हाल जुम्ला जिल्लामा छन्। उनी लामो समयदेखि चिकित्सा शिक्षा र स्वास्थ्य क्षेत्रमा सुधारको अभियान चलाउँदै आएका छन्।