पोखरा- गण्डकी प्रदेशमा कोरोना भाइरस संक्रमणबाट थप १ जनाको मृत्यु भएको छ।
चितवनको भरतपुर अस्पतालमा उपचारका क्रममा गोरखाको गोरखा नगरपालिका १३ मजुवा स्थायी घर भएका ३८ वर्षीय पुरुषको कोरोना भाइरस संक्रमणबाट मृत्यु भएको हो। उनको भरतपुर अस्पतालमा उपचार भइरहेको थियो ।
योसँगै गण्डकी प्रदेशमा कोरोना भाइरस संक्रमणबाट मृत्यु हुनेको संख्या ११ पुगेको छ।
आज बिहान प्रदेशमा थप २१ जनालाई कोरोना संक्रमण पुष्टि भएको थियो। संक्रमित सबै पूर्वी नवलपरासीका हुन्।