काठमाडौं– प्रधानमन्त्री केपी शर्मा ओलीले जापानी समकक्षी सिन्जो आबेको स्वास्थ्य लाभको कामना गरेका छन्।
ओलीले आबेको स्वास्थ्यमा समस्या आएको जानकारी पाउँदा आफूलाई दुःख लागेको बताएका छन्।
आबेलाई ट्वीटरमा मेन्सन गर्दै ओलीले शीघ्र स्वास्थ्य लाभ र सुस्वास्थ्यको कामना गरेका छन्।
उनले आबेको शुभेछा र प्रभावशाली नेतृत्वका कारण नेपाल र जापान सम्बन्धमा ठूलो फाइदा पुगेको बताएका छन्।
६५ वर्षका प्रधानमन्त्री आबेले शुक्रबार आफ्नो स्वास्थ्य अवस्था बिग्रँदै गएको भन्दै राजीनामा दिने घोषणा गरेका हुन्।