काठमाडौं– गण्डकी प्रदेशमा १२ प्रहरीसहित थप २० जनामा कोरोना भाइरस संक्रमण भएको छ।
क्षयरोग उपचार केन्द्र, पोखरा गरिएको परीक्षणमा उनीहरूको नतिजा पोजिटभ आएको हो।
योसमेत गण्डकी प्रदेशमा कोरोना संक्रमितको संख्या दुई हजार ५६ पुगेको छ। संक्रमितमध्ये लमजुङको बेसीसहरमा कार्यरत १२ जना नेपाल प्रहरीमा कार्यरत छन्।
एक जना थुनुवा छन् भने अर्की एकजना महिला बेसीसहर– ८ की ४७ वर्षीया लमजुङ जिल्ला सामुदायिक अस्पताल, बेसीसहरमा कार्यरत कर्मचारी छन्।
यस्तै अर्का संक्रमितमा नवलपुर पूर्वको देवचुली–१ की ५४ वर्षीया स्वास्थ्यकर्मी छिन्। अन्य सबै व्यक्तिमा कन्ट्याक्ट ट्रेसिङका आधारमा परीक्षण गर्दा संक्रमण पुष्टि भएको हो।
प्रदेशमा अहिलेसम्म एक हजार ६८९ जना निको भएका छन्। कोरोना संक्रमणबाट गण्डकीमा १० जनाको निधन भएको छ।