३० जिल्लामा थपिएनन् संक्रमित, ४७ जिल्लामा कहाँ कति?

काठमाडौं– पछिल्लो २४ घण्टामा मुलुकका ३० जिल्लामा कोरोना भाइरस संक्रमितको संख्या थपिएको छैन।

संक्रमित नथपिएका जिल्लामा भोजपुर, धनकुटा, इलाम र खोटाङ छन्। यस्तै ताप्लेजुङ र तेह्रथुममा पनि संक्रमित नथपिएको स्वास्थ्य तथा जनसंख्या मन्त्रालयको विवरणमा उल्लेख छ।

बागमती प्रदेशका दुई जिल्ला रामेछाप र दोलखामा संक्रमित थपिएनन्।

गण्डकी प्रदेशका मनाङ, मुस्ताङ, म्याग्दी, पर्वत र स्याङ्जा तथा प्रदेश ५ का गुल्मी, पाल्पा, प्यूठान, रोल्पा, पूर्वी रुकुममा पनि संक्रमित थपिएका छैनन्।

यस्तै कर्णालीका पश्चिम रुकुम, डोल्पा, हुम्ला, कालिकोट, मुगु, सुर्खेत र जाजरकोटमा कोरोना भाइरसका संक्रमित थपिएका छैनन् भने सुदूरपश्चिम प्रदेशका अछाम, बझाङ, बाजुरा, डडेल्धुरा, बैतडी र दार्चुलामा पनि संक्रमित थपिएका छैनन्।

४७ जिल्लामा कहाँ कति थपिए?

पछिल्लो २४ घण्टामा मुलुकका ४७ जिल्लामा कोरोना भाइरस संक्रमण हुनेको संख्या थपिएको छ।

सबैभन्दा बढी काठमाडौंमा ३५० जना संक्रमित भएका छन्।

आज प्रदेश १ को मोरङमा ४७ जना, प्रदेश २ को रौतहटमा २१ जना र गण्डकी प्रदेशको कास्कीमा १६ जना संक्रमित थपिएका छन्।

प्रदेश ५ को रुपन्देहीमा ७२ जना, कर्णालीको दैलेखमा ११ जना र सुदूरपश्चिमको कैलालीमा ११ जना संक्रमित थपिएका छन्।

पछिल्लो २४ घण्टामा बागमती प्रदेशमा सबैभन्दा बढी संक्रमित थपिएका छन्।

प्रदेशका सिन्धुलीमा दुई, भक्तपुरमा ५४, धादिङमा १६, काठमाडौंमा ३५०, काभ्रेमा १७, ललितपुरमा ११, नुवाकोटमा तीन, रसुवामा एक, सिन्धुपाल्चोकमा एक, चितवनमा २६ र मकवानपुरमा ५१ जना संक्रमित थपिएका छन्।

यसरी आज बागमतीमा थपिने संक्रमितको संख्या ५३२ पुगेको छ। देशभर ९२७ जना संक्रमित थपिएका छन्।

पछिल्लो २४ घण्टामा इलाममा एक, झापामा १५, ओखलढुंगामा एक, पाँचथरमा दुई, संखुवासभामा दुई जना संक्रमित थपिएको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार सोलुखुम्बुमा एक, सुनसरीमा ४१ र उदयपुरमा एक जना संक्रमित थपिएका छन्।

सप्तरीमा सात, सिरहामा १२, धनुषामा २० र महोत्तरीमा १३ जना संक्रमित थपिएका छन्।

यसैगरी सर्लाहीमा १३, बारामा चार, पर्सामा एक जना संक्रमित थपिएको मन्त्रालयको विवरणमा उल्लेख छ।

गण्डकीको बाग्लुङ र गोरखामा एक एक जना संक्रमित थपिएका छन् भने लमजुङमा दुई, तनहुँमा चार तथा पूर्वी नवलपरासीमा ११ जना संक्रमित थपिएका छन्।

प्रदेश ५ को कपिलवस्तु, पश्चिम नवलपरासी, अर्घाखाँची र बर्दियामा थप दुई दुई जनामा संक्रमण भएको छ।
दाङमा एक तथा बाँकेमा ३६ जना संक्रमित थपिएका छन्।

कर्णाली प्रदेशका सल्यानमा तीन र जुम्लामा थप ६ जनामा संक्रमण भएको छ।

सुदूरपश्चिमको , डोटीमा नौ र कञ्चनपुरमा थप एक जनामा संक्रमण भएको मन्त्रालयको विवरणमा उल्लेख छ।

यसरी आजसम्म नेपालमा कोरोना भाइरस संक्रमितको कुल संख्या ३६ हजार ५४६ पुगेको छ भने सक्रिय संक्रमितको संख्या १६ हजार १९ छ।