विराटनगर- पछिल्लो २४ घण्टामा प्रदेश १ मा ७४ जना कोरोना संक्रमित थपिएका छन्।
सुनसरीका ४१, मोरङ र झापाका १४–१४, संखुवासभाका २ र पाँचथरका १ जनामा कोरोना पुष्टि भएको छ। त्यस्तै प्रदेश १ बाहिरका २ जनामा कोरोना पुष्टि भएको सामाजिक विकास मन्त्रालयले जनाएको छ।
मन्त्रालयका अनुसार शुक्रबार सुनसरीको इनरुवामा ६ महिला १४ पुरुष, धरानमा ५ महिला ४ पुरुष, इटहरीमा ५ पुरुष, देवानगञ्जमा २ महिला २ पुरुष तथा कोशी गाउँपालिकामा ३ पुरुषको रिपोर्ट पोजेटिभ आएको छ।
मोरङको विराटनगरमा २ महिला ५ पुरुष, लेटाङमा १ महिला २ पुरुष, सुन्दरहरैचा र रंगेलीमा २–२ पुरुषमा संक्रमण देखिएको छ।
यस्तै झापाको कमल गाउँपालिकामा २ महिला ७ पुरुष, मेचीनगरमा ३ पुरुष, हल्दीबारीमा १ पुरुष, शिवसताक्षीमा १ महिला, संखुवासभाको पाँचखपनमा १ पुरुष, खाँदबारीमा १ महिला, पाँचथरको फाल्गुनन्दमा १ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ।
प्रदेश १ मा कोरोना संक्रमितको संख्या ३ हजार १०४ पुगेको छ।
प्रदेश १ मा आज थप ३ जनाको मृत्यु भएको छ। झापाको कमलका एक पुरुष, मोरङको बेलबारीकी एक महिला र प्रदेश २ को सिरहा जिल्लास्थित लहानकी एक महिलाको आज मृत्यु भएको हो। प्रदेश १ मा मृत्यु हुनेको संख्या २७ पुगेको छ। प्रदेश १ स्थायी ठेगाना भएका २० र अन्य ७ जना रहेको सामाजिक विकास मन्त्रालयले जनाउको छ।
प्रदेश १ मा शुक्रबार २० जना डिस्चार्ज भएका छन्। कोशी अस्पताल कोभिड–१९ उपचार केन्द्र, विराटनगरबाट १६, वीपी कोइराला स्वास्थ्य विज्ञान प्रतिष्ठान धरानबाट २ र विराटनगर अस्पताल आईसोलेसन केन्द्रबाट २ जना डिस्चार्ज भएका छन्। प्रदेश १ मा १ हजार ५१६ जना डिस्चार्ज भएका छन्।
प्रदेश १ मा शुक्रबार १ हजार ३२७ जनाको पीसीआर परीक्षण गरिएको छ। मन्त्रालयका अनुसार हाल ८५ हजार २ सय २ जनाको पीसीआर परीक्षण भएको छ।