कोरोना संक्रमित एक महिलाको विराटनगरमा मृत्युु

विराटनगर- कोरोना संक्रमित सिरहाको लहानकी ६५ वर्षीया महिलाको शुक्रबार बिहान विराटनगरमा मृत्यु भएको छ।

विराटनगरमा डेरा गरी बस्ने उनी कोसी अस्पताल कोभिड १९ उपचार केन्द्र विराटनगरमा बिहीबार साँझ भर्ना भएकी थिइन्।

उनमा फोक्सोमा समस्या रहेको अस्पताल संयोजक डा. दीपक सिग्देलले बताए।

कोरोना संक्रमणका कारण प्रदेश १ मा मृत्यु हुनेको संख्या २८ पुगेको छ। जसमा प्रदेश १ का २० र प्रदेश २ का ८ जना छन्।

प्रदेश १ को विराटनगरका ११, धरानका ३, बुढीगंगाका २, रंगेली, सुनवर्षी, बेलबारी र दमकका एक एक जनाको मृत्यु भएको छ।