कोरोना संक्रमणमुक्त डोल्पामा एक हप्ता लकडाउन

सुर्खेत– डोल्पामा बुधबार राति १२ बजेदेखि एक हप्ता लकडाउन गरिएको छ ।

छिमेकी जिल्ला जाजरकोट र रुकुम पश्चिममा कोरोना संक्रमण बढेकोले जिल्लामा कोरोना भित्र्न नदिन लकडाउन गरिएको हो ।

गाउँ फर्कने नागरिक नरोकिएको भन्दै तत्काल एक हप्ता लकडाउन गर्ने निर्णय गरिएको प्रमुख जिल्ला अधिकारी सुरेश सुनारले जानकारी दिए । लकडाउन अवधिभर कुनै पनि नागरिकलाई जिल्ला प्रवेश गर्न नदिन सीमा प्रहरीलाई निर्देशन दिइएको छ ।

बुधबार बसेको जिल्ला विपत व्यबस्थापन समितिको बैठकले कोरोना भित्रन नदिन लकडाउन गर्ने निर्णय गरेको थियो ।

लकडाउनमा दैनिक उपभोग्य वस्तुु र अत्यावश्यक काममा भने सुरक्षा सतर्कता अपनाएर आउजाउ गर्न पाइने छ । डोल्पामा हाल एक जना पनि कोरोना संक्रमित छैनन् ।