प्रदेश–२ मा २४६ संक्रमित थपिए

जनकपुरधाम– प्रदेश–२ मा पछिल्लो २४ घण्टामा २४६ जनामा कोरोना संक्रमण पुष्टि भएको छ। योसँगै प्रदेशमा कोरोना संक्रमितको संख्या ९ हजार ४२७ पुगेको छ। 

बुधबार १८६ पुरुष र ६० महिलामा कोरोना संक्रमण पुष्टि भएको सामाजिक विकास मन्त्रालयका वरिष्ठ चिकित्सक डा. कमलेशप्रसाद यादवले जानकारी दिए।

बुधबार सबैभन्दा बढी संक्रमित सर्लाहीमा थपिएका छन्। सर्लाहीमा ७१ जना, पर्सामा ५४, बारामा ५३, धनुषामा ३३, महोत्तरीमा २०, रौतहटमा १३ र सिरहामा २ जनामा कोरोना संक्रमण पुष्टि भएको सामाजिक विकास मन्त्रालयले जनाएको छ।

५ महिलासहित १२८ जना निको भई घर फर्केका छन्। यससँगै निको हुनेको संख्या ४ हजार ४३९ पुगेको छ।

प्रदेशमा हालसम्म ६४ जनाको कोरोना संक्रमणबाट मृत्यु भइसकेको छ। हाल प्रदेश २ मा ४ हजार ९२४ जना सक्रिय संक्रमित छन्।