मोरङ जिल्लाभर एक साता निषेधाज्ञा

विराटनगर– मोरङ जिल्लाभर एक साताका लागि निषेधाज्ञा जारी गरिएको छ।

यसअघि जिल्ला प्रशासन कार्यालय मोरङले विराटनगरसहित ४ वटा स्थानीय तहमा निषेधाज्ञा गर्ने निर्णय गरेको थियो।

बुधबार बसेको जिल्ला सुरक्षा समितिको बैठकले गएको भदौ ५ गतेदेखि जारी गरिएको निषेधाज्ञालाई केही खुकुलो बनाएर एक साता थप्ने निर्णय गरेको मोरङका प्रमुख जिल्ला अधिकारी कोषहरि निरौलाले जानकारी दिए।

निषेधाज्ञामा बजार १२ बजेसम्म खुला गर्न दिने निर्णय भएको छ। त्यसपछि सबै बजार र पसल बन्द हुनेछन्।

बजार खुल्ला गरिएपनि सवारी साधन सञ्चालन गर्न भने पाइने छैन। मोटरसाइकल र साइकललाई पनि चल्न नदिनेगरी विषेधाज्ञा जारी गरिएको प्रशासनले जनाएको छ।