उपत्यकामा ४ हजार कोरोना संक्रमित

काठमाडौं– काठमाडौं उपत्यकामा कोरोना भाइरस संक्रमितको संख्या ४ हजार पुगेको छ।

पछिल्लो २४ घण्टामा ३०२ जना संक्रमित थपिएसँगै संक्रमितको कुल संख्या ४ हजार पुगेको हो।

यीमध्ये काठमाडौंका ३ हजार ९६, ललितपुरका ५२३ जना र भक्तपुरका ३०२ जना छन्।

उपत्यकाका विभिन्न प्रयोगशालामा पछिल्लो २४ घण्टामा भएको पीसीआर परीक्षणमा काठमाडौंका २३० जना, ललितपुरका ४७ जना र भक्तपुरका २४ जनामा संक्रमण पुष्टि भएको छ।

केही दिनयता काठमाडौंमा दैनिक सयभन्दा बढी संक्रमित थपिइरहेका छन्। हिजो मंगलबार काठमाडौंका १९९ जना, ललितपुरका १९ जना र भक्तपुरका १४ भक्तपुरका जनामा संक्रमण पुष्टि भएको थियो।

त्ययसैगरी अस्ति सोमबार काठमाडौंका १७७ जना, ललितपुरका ३३ जना र भक्तपुरका १४ गरी २२४ जनामा संक्रमण पुष्टि भएको थियो।

आइतबार काठमाडौंका १२६ जना, ललितपुरका १२ जना र भक्तपुरका २८ जनामा संक्रमण पुष्टि भएको थियो।

शनिबार काठमाडौंका १६० जना, ललितपुरका ६ जना र भक्तपुरका ५० जनामा संक्रमण पुष्टि भएको थियो।