२५ जिल्लामा थपिएनन् संक्रमित

काठमाडौं– पछिल्लो २४ घण्टामा मुलुकका २५ जिल्लामा कोरोना भाइरस संक्रमित थपिएनन्। यस्तै दुई जिल्ला कोरोनामुक्त भएका छन्। सात जिल्लामा पाँच सयभन्दा सक्रिय संक्रमित छन्।

सोमबार भोजपुर, पाँचथर, सोलुखुम्बु, ताप्लेजुङ र तेह्रथुममा संक्रमित थपिएका छैनन्। यस्तै महोत्तरी, सिन्धुली, नुवाकोट, रसुवा, लमजुङ र मनाङमा पनि संक्रमण नथपिएको मन्त्रालयको विवरणमा उल्लेख छ।

मन्त्रालयका अनुसार मुस्ताङ, पर्वत, दाङ, प्यूठान, पूर्वी रुकुम, सल्यान र डोल्पामा पनि आज संक्रमित थपिएका छैनन्। पछिल्लो २४ घण्टामा कोरोना संक्रमित नथपिएका अन्य जिल्लामा हुम्ला, जुम्ला, मुगु, दैलेख, अछाम, डोटी र बझाङ छन्।

सोमबार सात जिल्लामा ५०० भन्दा बढी कोरोना भाइरसका सक्रिय संक्रमित छन्।

काठमाडौं, मोरङ, पर्सा, रौतहट, महोत्तरी, सर्लाही र बारामा सक्रिय संक्रमितको संख्या सबैभन्दा बढी छ।

त्यस्तै आज दुई जिल्लामा कोरोना भाइरसबाट सक्रिय संक्रमितको संख्या शून्यमा झरेको छ। मन्त्रालयका अनुसार हुम्ला र मुस्ताङमा सक्रिय संक्रमित छैनन्।