विराटनगर– प्रदेश १ मा सोमबार सम्म १७ जनाको मृत्यु भएको छ । पछिल्लो २४ घण्टामा थप २ जनाको मृत्यु भएको छ ।
सुनसरीको धरान र विराटनगरमा १–१ पुरुषको मृत्यु भएको हो । विराटनगरका १०, धरानका ३, बुढीगंगाका २, रंगेली र सुनबर्षीका १–१ जनाको मृत्यु भएको सामाजिक विकास मन्त्रालयले जनाएको छ ।
सोमबार ६४ जना संक्रमित थपिएका छन् । थपिएकामा २४ महिला र ४० पुरुष छन् । मोरङमा २९, सुनसरीमा १९, झापामा ५, धनकुटामा २, संखुवासभामा १ र प्रदेश १ बाहिरका ८ जना रहेको मन्त्रालयले जनाएको छ ।
मोरङको विराटनगरका १० महिला र १३ पुरुष, सुन्दरहरैचामा १ महिला २ पुरुष, बेलबारीमा १ महिला १ पुरुष, जहदामा १ पुरुषमा संक्रमण देखिएको छ । मन्त्रालयका अनुसार सुनसरीको गढीमा ३ महिला ३ पुरुष, दुहवीमा ३ पुरुष, बर्जुमा ४ महिला १ पुरुष, धरानमा २ महिला १ पुरुष, इटहरीमा १ महिला १ को रिपोर्ट पोजेटिभ आएको छ ।
झापाको बाहदशीमा १ महिला ४ पुरुष, धनकुटाको धनकुटा नगरपालिकामा २ पुरुष, संखुवासभाको खाँदबारीका १ पुरुष र प्रदेश १ बाहिरका १ महिला ७ पुरुषको रिपोर्ट पोजेटिभ आएको मन्त्रालयले जनाएको छ । प्रदेश १ मा कोरोना संक्रमितको संख्या २ हजार ७२३ पुगेको छ ।
प्रदेश १ बाट मंगलबार १२ जना डिस्चार्ज भएका छन् । कोभिड १९ आइसोलेसन केन्द्र रंगेलीबट १२ जना डिस्चार्ज भएका छन् । हालसम्म डिस्चार्ज हुनको संख्या १ हजार २ सय ८० पुगेको छ ।
प्रदेश १ मा मंगलबार १ हजार ५५० जनाको पीसीआर परीक्षण भएको छ । मन्त्रालयका अनुसार हालसम्म ७८ हजार ७०२ जनाको पीसीआर परीक्षण भएको छ ।