अछाम- रामारोशन गाउपालिकाका बाढी पीडितलाई छिमेकी बान्नीगढी जयगढ गाउपालिकाका अध्यक्ष राजेन्द्र खड्काले १ लाख रुपैयाँ सहयोग प्रदान गरेका छन्।
अध्यक्ष खड्काले नेपाली कांग्रेस अछाममार्फत् प्रदान गर्ने गरी सभापति भरत कुमार स्वारलाई उक्त सहयोग हस्तान्तरण गरेका हुन्।
विपदले दुःखमा परेका रामारोशनका बाढी पीडितलाई राहत मिलोस् भनेर सहयोग गरेको अध्यक्ष खड्काले बताए।
अध्यक्ष खड्काले अध्यक्षवाफत पाउने सेवा सुविधा सबै टुहुरा बालबालिकाको शिक्षादिक्षा तथा लालनपालनमा खर्च गर्दै आँएका छन्।
यस्तै नेपाली कांग्रेस साँफेबगर नगर कार्य समितिका सभापति गोकुल भाटले पनि बाढी पीडितका लागि १५ हजार सहयोग गरेका छन्। सहयोग गर्ने सबैलाई सभापति स्वारले धन्यवाद ज्ञापन गरेका छन्।
यस्तै अछाम रिडीकोट घर भई हाल काठमाडौं बस्ने हिमाल खवासले पनि २० हजार रुपैँया प्रदान गरेका छन्।