पोखरा- पोखरामा शनिबार बैंक र मालपोत कार्यालयका कर्मचारीलाई कोरोना संक्रमण पुष्टि भएको छ।
संक्रमण हुनेमा एक जना निजी बैंकका कर्मचारी र एक जना जिल्ला मालपोत कार्यालयका कर्मचारी छन्।
पोखरामा भेटिएका संक्रमितहरुको सूचना संकलन भइरहेको वडाध्यक्षहरुले बताएका छन्। गण्डकी प्रदेश स्वास्थ्य निर्देशनालयले संक्रमितको विवरण सार्वजानिक गरे पनि वडाहरु भने संक्रमितको बारेमा बेखवर छन्।
शनिबार संक्रमित भएका १६ जनामध्ये केही पुराना संक्रमितहरुको परिवारका सदस्य, केही वर्कसपमा काम गर्ने कर्मचारी र केही संक्रमितहरुसँग सम्पर्कमा रहेका व्यक्तिहरु छन् ।