पर्सामा कोरोना संक्रमित महिलाको मृत्यु

पर्सा- पर्सामा कोरोना संक्रमित एक महिलाको उपचारको क्रममा मृत्यु भएको छ।

मृत्यु हुनेमा वीरगंज महानगरपालिका वडा नम्बर ४ रेश्मकोठी बस्ने ४० वर्षीया फातिमा बेगम रहेको नारायणी अस्पतालका चिकित्सक डा. निरज सिंहले बताए।

विगत ३/४ दिनदेखि विर्तामा रहेको अलि अर्थो ट्रमा सेन्टरमा उपचार भईरहेको उनलाई हिजो मंगलबार वीरगंज हेल्थ केयरमा पठाएको थियो।

कोभिड अस्पतालमा उपचारको क्रममा उनको आज साझ मृत्यु भएको चिकित्सक डा. सिंहले बताए।

उनलाई श्वासप्रश्वासमा समस्या थियो। भेन्टिलेटरको सहायतामा पनि उनलाई बचाउन नसकिएको डा. सिंहले बताए।

यो संगै पर्सामा कोरोनाबाट मृत्यु हुनेको संख्या २४ पुगेको छ भने कोरोना संक्रमितको संख्या ३४६ महिलासहित १ हजार ६०६ जना पुगेको छ।