काठमाडौं– कोभिड–१९ संकट व्यवस्थापन सञ्चालन केन्द्र (सीसीएसी) को बैठक प्रधानमन्त्री निवास बालुवाटारमा जारी छ। बैठक प्रधानमन्त्री केपी शर्मा ओलीको अध्यक्षतामा बसिरहेको छ।
कोरोना नियन्त्रण, रोकथाम र उपचार सम्बन्धमा थप रणनीति बनाउन र व्यवस्थापन मिलाउन बैठक बसिरहेको हो।
बैठकमा कोभिड–१९ रोकथाम र नियन्त्रणका लागि विशेष निर्णय हुन सक्ने बुझिएको छ।
यसअघि मंगलबार सीसीएमसीको अनौपचारिक बैठकमा देशभर आइसोलेसन केन्द्र र क्वारेन्टिन स्थल बढाउनुपर्ने विषयमा छलफल भएको थियो।
मन्त्रीहरुले पछिल्लो समय बढ्दै गएको संक्रमणको अवस्थालाई ध्यानमा राखेर थप कदम चाल्नुपर्ने देखिएको धारणा राखेका थिए।
कोरोना भाइरस रोकथाम र नियन्त्रणका लागि सरकारले स्थानीय प्रशासनलाई नै आवश्यक व्यवस्था गर्न दिने निर्णय गरिसकेको छ।
उक्त निर्णयसँगै देशका विभिन्न जिल्लामा पूर्ण र आशिंक रुपमा निषेधाज्ञा जारी भइरहेका छन्।