अछाम- अछाममा एक गर्भवतीको नेपाली सेनाको हेलिकप्टरबाट उद्धार गरिएको छ।
अत्यधिक रक्तश्राव भएकी रामारोशन गाउँपालिका–७ की ३५ वर्षीया नामसरा भण्डारीको हेलिकप्टर मार्फत् उद्धार गरी सुर्खेत पठाइएको हो।
बुधबार बिहान सुत्केरी व्यथा लागेर वडाको स्वास्थ्य चौकीमा लगेकोमा अध्यधिक रक्तश्राव भएपछि सुर्खेत पठाइएको गाउपालिका अध्यक्ष झंकर साउदले जानकारी दिए।
राष्ट्रपति महिला उत्थान कार्यक्रममार्फत् उद्धार गरेर सुर्खेत पठाइएको अछामका प्रमुख जिल्ला अधिकारी गोकर्ण प्रसाउ उपाध्यायले बताए।
मंगलबार राति कैलाश खोलामा आएको बाढीले बेपत्ता पारेकाहरुको खोजीका लागि नेपाली सेनाको हेलिकप्टर सो क्षेत्रमा गएको थियो।