भारतमा एकैदिन ९ लाखको कोरोना परीक्षण

भारतले दैनिक कोरोना परीक्षणमा नयाँ रेकर्ड कायम गरेको छ। त्यहाँ एकै दिनमा करिब ९ लाख जनाको पीसीआर परीक्षण भएको हो।

२४ घण्टामा भएको परीक्षणमा ५५ हजार ७९ जनामा संक्रमण पुष्टि भएको छ भने ८७६ जनाको मृत्यु भएको छ ।

अहिलेसम्म भारतमा ३ करोडभन्दा बढीको कोरोना परीक्षण भइसकेको छ।

कोरोना संक्रमणका हिसाबले विश्वकै चौथो नम्बरमा रहेको भारतमा संक्रमितको संख्या २७ लाख नाघिसकेको छ।

त्यसैगरी मृतकको संख्या ५१ हजार नाघेको छ।