शुक्रबार, मंसिर १९, २०७७

विदेश

चीनको व्यस्त सडकमा भएको दुर्घटनामा १८ जनाको मृत्यु

1601804366.jpg

काठमाडौं- चीनमा भएको एक भयानक दुर्घटनामा कम्तीमा १८ जनाको मृत्यु भएको छ। उत्तरपूर्वी चीनको जिलिन प्रान्तस्थित फुयु सहरमा आज (आइतबार) उक्त दुर्घटना भएको हो।

relifeinsurance

व्यस्त सडकमा दुईवटा ट्रक ठोक्किँदा आसपासका सवारी साधनमा सवार व्यक्तिहरुको मृत्यु भएको हो।

सुरुमा एउटा सानो गाडी अर्को गाडीमा ठोक्किएर उछिट्टिएपछि ठूला ट्रक एक आपसमा ठोक्किएको बताइएको छ।

त्यो क्रममा व्यस्त सडकमा गुडिरहेका थुप्रै सवारी साधनहरु ठोक्किएका थिए।

दुर्घटनामा ८ जनाको घटनास्थलमै र १० जनाको उपचारका क्रममा मृत्यु भएको अधिकारीहरुले जनाएका छन्।

घटनामा अन्य केही व्यक्ति घाइते भएका छन्।

चीनको सार्वजनिक सुरक्षा मन्त्रालयले यस घटनाको छानबिनका लागि विशेष टोली गठन गरेर पठाएको छ।

प्रतिक्रिया दिनुहोस्