काठमाडौं- दक्षिण कोरियामा एउटै चर्चमा प्रार्थना गर्न जाने १०७ जनामा कोरोना पुष्टि भएको छ।
पछिल्लो २४ घण्टामा त्यहाँ २७९ जनामा कोरोना पुष्टि भएकोमा १०७ जना सर्ग जिल चर्चमा प्रार्थना गर्न जानेहरु हुन्।
राजधानी सोल नजिकैको उक्त चर्चमा संक्रमितको संख्या अचानक बढेपछि दक्षिण कोरिया सरकारले चर्चका पादरीलाई सामजिक दूरी कायम नगरेर संक्रमण बढाएको आरोप लगाएको छ।
त्यस्तै उनलाई कोरोना भाइरस संक्रमणसम्बन्धी अनुसन्धानमा पनि बाधा पुर्याएको सरकारको आरोप छ।
यो चर्चको नेतृत्व जून क्वाङ हुन नाम गरेका एक विवादास्पद पुजारीले गरेका छन्।
उनी सरकारको एक कडा आलोचक हुन्। त्यहाँको स्वास्थ्य मन्त्रालयले पादारीविद्ध मुद्दा हाल्ने तयारी भइरहेको जानकारी दिएको छ।