काठमाडौं- गण्डकी प्रदेशमा थप १४ जनालाई कोरोना भाइरस (कोभिड १९) संक्रमण पुष्टि भएको छ। यससँगै गण्डकीमा कोरोना भाइरस संक्रमितको संख्या एक हजार ७३५ पुगेको छ।
प्रदेश स्वास्थ्य निर्देशनालयले आज दिउँसो जारी गरेको प्रेस विज्ञप्ति अनुसार थपिएका संक्रमितमध्ये कास्कीको पोखरा महानगरपालिकाका १२ र स्याङ्जा पुतलीबजार नगरपालिकाका दुई जना छन्।
पोखरास्थित क्षयरोग उपचार केन्द्रमा कोरोना परीक्षण गराउँदा उनीहरुमा संक्रमण पुष्टि भएको हो। नयाँ संक्रमितलाई सम्बन्धित जिल्लाका आइसोलेसनमा लैजाने तयारी भइरहेको निर्देशनालयले जनाएको छ।