काठमाडौं- भारत प्रशासित कश्मीरको सीमा क्षेत्रमा पुनः भारत र पाकिस्तानका सेनाबीच भिडन्त भएको छ । 

भिडन्तमा पाकिस्तानी सेनाको गोली लागेर तीन जना भारतीय सैनिक मारिएको भारतीय सेनाका प्रवक्ता राजेश कालियालाई उधृत गर्दै अलजजिराले लेखेको छ ।  

काश्मीरको नोगाम क्षेत्र र पूच क्षेत्रमा भएको भिडन्तमा थप ४ सैनिक घाइते भएका छन्।  उक्त भिडन्तमा नेपाली परेका छन् की छैनन् भन्ने बारेमा केहि खुलेको छैन् ।  

दोहोरो भिडन्मा पाकिस्तानी सेनातर्फ पनि हताहती भएको भारतीय सेनाको दाबी छ  ।  भारतीय सेनाका तर्फबाट पनि कडा प्रतिकार गरिएको प्रवक्ता कालियाले बताएका छन्। 

पाकिस्तानले भने भारतीय सैनिकले उक्त क्षेत्रमा जारी युद्धविराम उल्लंघन गरेको आरोप लगाएको छ।