भारतीय क्रिकेट टोलीका खेलाडी सुरेश रैनाले अन्तर्राष्ट्रिय क्रिकेटबाट संन्यास घोषणा गरेका छन्।
भारतीय टोलीका पूर्वकप्तान महेन्द्रसिंह धोनीले संन्यासको घोषणा गरेको केही समयपछि रैनाले पनि संन्यास लिएको घोषणा गरेका हुन्।
रैनाले शनिबार इन्स्टाग्राममा एक पोस्ट गर्दै संन्यास घोषणा गरेका छन्। ३३ वर्षीय ब्याट्सम्यान रैनाले सन् २००५ मा भारतीय टिममा डेब्यु गरेका थिए।
रैनाले भारतका लागि १९ टेस्ट, २२६ एकदिवसीय र ७८ टी–ट्वान्टी खेलेका छन्।