कार्यदलमार्फत् विवाद समाधानको प्रक्रिया सुरू हुनु सकारात्मक : भट्टराई

काठमाडौं– नेकपाका स्थायी कमिटी सदस्यसमेत रहेका संस्कृति पर्यटन तथा नागरिक उडड्यन मन्त्री योगेश भट्टराईले नेकपामा उत्पन्न समस्या र गतिरोध समाधानका लागि कार्यदल गठन हुनु सकारात्मक भएको बताएका छन्।

‘नेकपामा उत्पन्न समस्या र गतिरोधको समाधानका लागि कार्यदल मार्फत प्रकृया सुरु हुनु सकारात्मक छ,’ ट्विट गर्दै भट्टराईले भनेका छन्।

पार्टीलाई वैचारिक र संगठनात्मक रुपमा एकताबद्ध बनाउनु बाहेक अर्को कुनै बिकल्प नभएको उनको भनाइ छ। नेकपाभित्र देखिएको विवाद समाधानका लागि भन्दै ओली, दाहाल र नेपाल समूहका दुई–दुई जना रहने गरी नेकपाले कार्यदल गठन गरेको हो।

महासचिव विष्णु पौडेलको संयोजकत्वमा ओली निकटका प्रदेश नम्बर ५ का मुख्यमन्त्रीसमेत रहेका स्थायी कमिटी सदस्य शंकर पोखरेल, दाहाल निकटका नेता जनार्दन शर्मा र पम्फा भुसाल र वरिष्ठ नेता माधवकुमार नेपाल निकटका नेता भीम रावल र सुरेन्द्र पाण्डे सदस्य रहने गरी कार्यदल बनाइएको हो।