शुक्रबार, मंसिर १९, २०७७

खेलकुद

सन्दीपको टिम दिल्लीमाथि अर्को झट्का, कप्तान अयरलाई १२ लाख जरिवाना

1601466900.jpg

काठमाडौं – इन्डियन प्रिमियर लिग (आईपीएल) टी–२० आयोजकले नेपालका लेग स्पिनर सन्दीप लामिछाने आबद्ध टिम दिल्ली क्यापिटलका कप्तान श्रेयस अयरलाई १२ लाख भारतीय रुपैयाँ जरिवाना गरेको छ।

relifeinsurance

मंगलबार राति सम्पन्न खेलमा स्लो ओभर रेट गरेपछि उनलाई आईपीएल आचारसंहिताका आधारमा १२ लाख जरिवाना गरिएको आयोजकले जनाएको हो।

‘दिल्ली क्यपिटलका कप्तान श्रेयस अयरले स्लो ओभर–रेटको आचारसंहिताका आधारमा १२ लाख रुपैयाँ जरिवना तिर्नुपर्नेछ,’ आईपीएलले जारी गरेको सूचनामा भनिएको छ।

पछिल्लो पटक स्लो ओभर रेटका कारण रोयल च्यालेन्जर्स बैंग्लोरका कप्तान विराट कोहली पनि १२ लाख रुपैयाँ जरिवानामा परेका थिए।

मंगलबार रातिको खेलमा दिल्ली क्यापिटल हैदराबादसँग १५ रनले पराजित भयो। १६२ रनको लक्ष्य पछ्याएको दिल्ली १४७ रनमै समेटियो। सो खेलमा कप्तान अयरले २१ बलमा १७ रन बनाएका थिए।

के हो स्लो ओभर–रेट?

टी–२० को एक इनिङका लागि औसत समय ७५ मिनेट छ। जसमा टिमले ढिलो गरी बलिङ गरी खेल अनावश्यक लम्ब्याएमा स्लो ओभर–रेट को नियमअनुसार आयोजकले कारबाही गर्न सक्छ।

तर यसमा खेलाडी गम्भीर चोट लागेर घाइते भए, खेलाडीको उपचार, ब्याटिङ साइडका खेलाडीले गरको ढिलाइ र बलिङ गर्ने साइडको नियन्त्रणबाहिरको ढिलाइले भने यो समयमा गणना गरिँदैन।

प्रतिक्रिया दिनुहोस्