ओली–दाहाल दुई घण्टा छलफल, तर फुकेन गाँठो

काठमाडौं– सत्तारुढ दल नेकपाका दुई अध्यक्ष केपी शर्मा ओली र पुष्पकमल दाहालबीचको छलफल सकिएको छ। नेताहरुबीच आज दुई घण्टा छलफल भएको छ।

प्रधानमन्त्री ओलीका प्रेस सल्लाहकार सूर्य थापाले अध्यक्षद्वयबीचको छलफल सकिएको जानकारी दिए। ‘छलफलमा के–के विषयमा कुराकानी भयो भन्ने सार्वजनिक भइसकेको छैन,’ उनले भने। आजको छलफलमा महासचिव विष्णु पौडेल, प्रदेश नम्बर ५ का मुख्यमन्त्री शंकर पोखरेल र स्थायी कमिटी सदस्य जनार्दन शर्मासमेत सहभागी थिए।

२१ साउनदेखि रोकिएको दुई अध्यक्षबीचको संवाद बिहीबारदेखि पुनः सुरू भएको हो। छलफल समाधानउन्मुख दिशामा अघि बढेको नेताहरुले बताइरहेका छन्। तर, विवादको गाँठो फुकिसकेको छैन।

१० असारमा सुरु भएको स्थायी कमिटी बैठकमा प्रधानमन्त्री तथा अध्यक्ष ओलीको राजीनामाले प्रवेश पाएपछि नेकपा आन्तरिक विवादमा फसेको छ।

नेकपा विवाद समाधान गर्न ६ सदस्यीय कार्यदल गठन