लाइप्जिक पहिलो पटक च्याम्पियन्स लिगको सेमीफाइनलमा

लाइप्जिक पहिलो पटक च्याम्पियन्स लिगको सेमीफाइनलमा

प्रतिस्पर्धात्मक खेलको पहिलो हाफ गोलरहित बराबरी भएको थियो। तर दोस्रो हाफको ५० औं मिनेटमा मार्सेल सबितजेरको पासमा ड्यानी आल्मोले हेडमार्फत् गोल गरे।

गोलपछि दबाबमा आएको एट्लेटिकोले ५८ औं मिनेटमा स्ट्राइकर जोआ फेलिक्सलाई मैदानमा उतार्यो। उनले नै ७० औं मिनेटमा पेनाल्टीमा पाएको अवसरको सदुपयोग गर्दै गोल गरे। फेलिक्समाथी डि बक्समा फाउल भएपछि लाइप्जिकका लुकास क्लोस्टेर्मानले पहेंलो कार्ड पाएका थिए भने एट्लेटिकोले पेनाल्टी पाएको थियो।

फेलिक्सले पेनाल्टीमार्फत बरबरी गरे पनि अमेरिकी खेलाडी टालयर एडम्सको ८८ औं मिनेटको गोलले लाइप्जिकले जित निकाल्न सफल बन्यो। उनले एन्जेलिनोको पासमा नाटकिय गोल गर्दै लाइप्जिकलाई जित दिलाए।

स्थापनाको ११ वर्षमै ऐतिहासिक जित निकाल्न सफल लाइप्जिक पहिलो पटक सेमीफाइनलमा पुगेको हो। उसले सेमीफाइनलमा पेरिस सेन्ट जर्मेन(पीएसजी)को सामना गर्नेछ।