भरतपुर अस्पतालको आकस्मिक कक्ष सिल

काठमाडौं- चितवनको भरतपुर अस्पतालमा कार्यरत एक नर्समा कोरोना भाइरस संक्रमण पुष्टि भएपछि आकस्मिक कक्ष सिल गरिएको छ।

अस्पतालका सूचना अधिकारी लीलाधर पौडेलका अनुसार नर्सलाई कोरोना देखिएपछि आकस्मिक कक्षमा रहेका बिरामीलाई अन्यत्र सारिएको छ।

ती नर्सलाई बिहीबार कोरोना पुष्टि भएको थियो। उनको चितवनस्थित प्रयोगशालामा कोरोना परीक्षण गरिएको थियो।

उक्त प्रयोगशालाको कोरोना परीक्षण रिपोर्ट अनुसार बिहीबार चितवनका १२ सहित १६ जनामा कोरोना संक्रमण देखिएको थियो।