चेन्नई सुपर किंग्सका कप्तान महेन्द्र सिंह धोनीको कोरोना भाइरसको पीसीआर परीक्षण रिपोर्ट नेगेटिभ आएको छ।
उनको स्वाब नमुना बुधबार लिइएको थियो। राँचीको गुरु नानक हस्पिटलस्थित माइक्रो प्रैक्सिस ल्याबका प्राविधिक टोलीले धोनीको फार्म हाउस गएर उनको स्वाब नमुना संकलन गरेको थियो।
यससँगै धोनीको आईपीएल खेल्ने बाटो खुला भएको छ। उनी सम्भवतः अगस्त १४ मा चेन्नई जानेछन्। त्यहाँ अभ्यास सत्रपछि चेन्नईको पूरै टिम युएई जानेछ।
टिम प्रबन्धकले धोनी तथा अन्य खेलाडीलाई चेन्नई लैजान चार्टर्ड फ्लाइटको व्यवस्था गरेको छ, ताकि धोनीको कोरोना संक्रमित भएको सबै आशंका हटाउन सकियोस्।
धोनीसँगै झारखन्डबाट चेन्नईका लागि खेल्ने अर्का खेलाडी मोनु कुमारको पनि कोरोना परीक्षण रिपोर्ट नेगेटिभ आएको छ। उनी पनि धोनीसँगै चेन्नईका लागि प्रस्थान गर्ने छन्।
त्यहाँबाट चेन्नईको टोली अगस्त २२ मा युएईतर्फ उडान भर्ने छन्।
आईपीएलका खेला सेप्टेम्बर १९ देखि नोभेम्बर १० सम्म शारजाह, आबुधाबी तथा दुबईमा खेलिने छ।
बीबीसी