रुखबाट लडेर घाइते युवतीको उपचारको क्रममा मृत्यु

धनगढी- कञ्चनपुरमा घाँस काट्ने क्रममा रुखबाट लडेर घाइते भएकी युवतीको उपचारका क्रममा मृत्यु भएको छ। घाँस काट्दै गर्दा रुखबाट लडेर घाइते भएकी महाकाली नगरपालिका–१०, बाबाथानकी ३० वर्षीया गन्ना रोकायाको मृत्यु भएको हो।

रुखबाट लडेर घाइते भएकी रोकायाको धनगढीस्थित सेती प्रादेशिक अस्पतालमा उपचारको क्रममा मृत्यु भएको जिल्ला प्रहरी कार्यालय, कञ्चनपुरका प्रवक्ता एवं प्रहरी नायब उपरीक्षक अमरबहादुर थापाक्षेत्रीले बताए।

महेन्द्रनगरस्थित महाकाली अस्पतालमा उपचार सम्भव नभएपछि रोकायालाई उपचारका लागि धनगढी पठाइएको थियो।