बिहिबार, कात्तिक १३, २०७७

Happy Dashain
प्रविधि

टिकटकमा प्रतिबन्ध लगाउने ट्रम्पको आदेश अदालतद्वारा खारेज

1601264114.png

अमेरिकामा टिकटकमाथि प्रतिबन्ध लगाउने राष्ट्रपति डोनाल्ड ट्रम्पको कार्यकारी आदेशलाई अदालतले खारेज गरिदिएको छ।

चिनियाँ भिडियो सेयरिङ एप टिकटक डाउनलोड गर्न नपाउने ट्रम्पको उक्त आदेशलाई वाशिंग्टनका एक डिस्ट्रिक्ट न्यायाधीशले रोक लगाएका हुन्। 

न्यायाधीशले यस्तो आदेशको कारण बताएका छैनन् तर यसबारे विस्तृत फैसला पछि गर्ने बताएका छन्। 

राष्ट्रपति ट्रम्पले गत अगस्टमा राष्ट्रिय सुरक्षाका लागि खतरा भएको भन्दै टिकटकमा प्रतिबन्ध लगाउने आदेश जारी गरेका थिए। भारतमा पनि टिकटक प्रतिबन्धित छ। 

चिनियाँ कम्पनी बाइटडान्सले सन् २०१७ मा बनाएको टिकटकका विश्वभर ५० करोडभन्दा बढी प्रयोगकर्ता छन्। अमेरिकामा भने यसका करिब ८ करोड प्रयोगकर्ता छन्।
 

प्रतिक्रिया दिनुहोस्