२४ घण्टामा ४ जना कोरोना संक्रमितको मृत्यु

काठमाडौं– पछिल्लो २४ घण्टामा ४ जना कोरोना संक्रमितको मृत्यु भएको छ। स्वास्थ्य तथा जनसंख्या मन्त्रालयका अनुसार मृत्यु हुनेमा धनुषा, काभ्रे र सिन्धुपाल्चोकका छन्।

धनुषाका ६० वर्षिय पुरुषको प्रादेशिक अस्पताल जनकपुरमा मृत्यु भएको छ । उनको सोमबार राती मृत्यु भएको हो । त्यस्तै धनुषाकै एक अस्पतालमा काम गर्ने ५० वर्षिय पुरुषको मृत्यु भएको छ । उनको २५ गते मृत्यु भएको हो।

काभ्रेकी ५० वर्षिया एक महिलाको पनि कोरोना संक्रमणका कारण मृत्यु भएको मन्त्रालयले जनाएको छ । उनको किष्ट मेडिकल कलेज ललितपुरमा आज मृत्यु भएको हो ।

मन्त्रालयका अनुसार सिन्धुपाल्चोक बाह्रविसेका ८४ वर्षका पुरुषको मनमोहन कार्डियोभास्कुलर तथा ट्रान्सप्लान्ट सेन्टर शिक्षण अस्पताल काठमाडौंमा मृत्यु छ ।

यसरी नेपालमा हालसम्म ८३ जना कोरोना संक्रमितको मृत्यु भएको छ ।