कोरोनामुक्त हुनेको संख्या १६ हजार ६६४ पुग्यो

काठमाडौं- नेपालमा मंगलबारसम्म १६ हजार ६६४ जना कोरोना भाइरस संक्रमणबाट मुक्त भएका छन्।

स्वास्थ्य तथा जनसंख्या मन्त्रालयका प्रवक्ता जागेश्वर गौतमले नियमित पत्रकार सम्मेलनमा उनीहरू उपचारपछि घर फर्किएको जानकारी दिएका हुन्।

उनका अनुसार प्रदेश १ बाट एक हजार ४४ जना, प्रदेश २ तीन हजार ३८५ बाट जना र बागमती प्रदेशबाट ६१८ जना कोरोनामुक्त भएका छन्।

गण्डकीबाट कोरोनामुक्त हुनेको संख्या एक हजार ४८७ छ।

यस्तै प्रदेश ५ बाट चार हजार १८९, कर्णालीबाट एक हजार ९०० र सुदूरपश्चिम प्रदेश चार हजार ४० जना कोरोनामुक्त भएका छन्। पछिल्लो चौबीस घण्टामा १७१ जना संक्रमण मुक्त भएको गौतमले बताए।