सेयर बजार परिसूचक आज मंंगलबार ६.६१ अंकले घटेको छ। सोमबार ३६ अंकले बढेको बजार मंगलबार भने घटेको हो। आज दिनभर १९० वटा कम्पनीको एक अर्ब २७ करोडभन्दा बढीको कारोबार भएको छ ।
यसदिन म्युचुअल फन्डको परिसूचक बाहेक सम्पूर्ण सूचक ओरालो लागेका छन् । सोमबार म्युचुअल फन्ड ओरालो लागेको थियो भने बाँकी सम्पूर्ण समूहगत परिसूचक उकालो लागेको थियो।
यसदिन ४० वटा कम्पनीको सेयर मूल्य बढेको छ भने १०५ वटा कम्पनीको मूल्य घटेको छ। त्यस्तै २४ वटा कम्पनीको मूल्य स्थिर रहेको नेप्सेले जनाएको छ ।
यसदिन धेरै कारोबार हुनेमा नेपाल पुनर्बीमा कम्पनी छ । कम्पनीको ४ करोड रुपैयाँ बराबरको सेयर कारोबार भएको छ । त्यस्तै धेरै कारोबार गर्नेहरुमा अजोड इन्स्योरेन्स, एनआइसी एशिया बैंक, एनएमबी बैंक लगायत छन् ।
मंगलबार सबैभन्दा बढी गुमाउनेमा नेपाल फाइनान्स, कालिका माइक्रोफाइनान्स, गुराँस लघुवित्त, नेपाल सेवा लघुवित्त, कर्णाली डेभलपमेन्ट बैंक, आरम्भ चौतारी लघुवित्त लगायत छन् ।