काठमाडौं– काठमाडौंसहित चार जिल्लामा ५०० भन्दा बढी कोरोना संक्रमित छन्।
स्वास्थ्य तथा जनसंख्या मन्त्रालयका अनुसार काठमाडौंका साथै पर्सा, रौतहट र महोत्तरीमा ५०० भन्दा बढी कोरोना संक्रमणका ‘एक्टिभ केस’ छन्।
त्यस्तै आज सोमबार ६ जिल्लामा कोरोना भाइरस संक्रमितको संख्या शून्य छ।
धनकुटा, संखुवासभा, मनाङ, मुस्ताङ, डोल्पा र हुम्लामा एक जना पनि सक्रिय संक्रमित छैनन्।
धनकुटामा १६ जना, संखुवासभामा ६ जना, डोल्पामा ५ जना, हुम्लामा ४ जना संक्रमित थिए। त्यस्तै मनाङ र मुस्ताङमा भएका १/१ जना संक्रमित पनि संक्रमणमुक्त भइसकेका छन्।