बाँकेमा २ डाक्टरसहित १५ जनामा कोरोना पुष्टि

नेपालगंज- बाँकेमा २ चिकित्सकसहित थप १५ जनामा कोरोना संक्रमण पुष्टि भएको छ। नेपालगन्ज मेडिकल कलेजबाट संकलन गरिएको स्वाबको परीक्षण गर्दा २ जना महिला चिकित्सकमा भाइरस संक्रमण पुष्टि भएको हो।

यसअघि मेडिकल कलेजमा कार्यरत महिला चिकित्सकलाई नै संक्रमण पुष्टि भएको थियो। भेरी अस्पताल नेपालगन्जको प्रयोगशालामा गरिएको पीसीआर परीक्षणमा बाँकेका १५ जनामा भाइरस संक्रमण पुष्टि हुने क्रममा चिकित्सक पनि परेका हुन्।

यस्तै वडा कार्यालयका थप प्रहरीमा पनि भाइरस संक्रमण पुष्टि भएको छ। बाँकेको डुडुवा गाउँपालिकाका ३ जना संक्रमित थपिएका छन्। भेरीमा गरीएको परीक्षणमा कैलालीका २, दाङ, बर्दिया र सल्यानमा १–१ जना गरी सोमबार २० जनामा कोरोना भाइरस संक्रमण पुष्टि भएको अस्पतालले जनाएको छ।