बहिनी नाता पर्ने १६ वर्षीया किशोरीलाई जबरजस्ती करणी गरेको आरोपमा पक्राउ परेका कालिकोटका एक वडाध्यक्ष जेल चलान भएका छन्। खाँडाचक्र नगरपालिका ६ का वडाध्यक्ष जगदीश शाही पूर्पक्षका लागि जेल चलान भएका हुन्।
५१ वर्षीय शाहीलाई जिल्ला अदालत कालिकोटले पुर्पक्षमा राखी अनुसन्धान गर्न प्रहरीलाई आदेश दिएपछि उनी कालिकोट जिल्ला कारागार चलान भएका छन्।
प्रहरीका अनुसार बाख्रा चराउन गएको बेला वडाध्यक्ष शाहीले ती किशोरीलाई जवर्जस्ती करणी गरेको आरोपमा उनीविरुद्ध परिवारका सदस्यले जाहेरी दिएका थिए। शाहीलाई प्रहरीले असार ३१ गते पक्राउ गरी जबरजस्ती करणी तथा हाड नाता करणी अन्तर्गत अदालतमा म्याद थप गरेर अनुसन्धान शुरु गरेको थियो।
शाहीले १६ वर्षीया किशोरीलाई १३ वर्षको उमेरदेखि नै बलात्कार गर्दै आएको खुलेको प्रहरीले जनाएको छ। ‘
शाहीविरुद्ध मुलुकी अपराध संहिता २०७४ बमोजिम जबरजस्ती करणी कसुरमा १२ देखि १४ वर्ष कैद र हाड नाता करणी १ देखि ३ वर्षसम्म कैदसहित उचित क्षतिपूर्ति माग दाबी प्रहरीले अदालतमा मुद्दा पेश गरेको छ ।