ओलीले भने- माधव नेपाल आन्दोलन विरोधी हुन् पार्टीमा ठाउँ छैन

काठमाडौं- नेकपा एमालेका अध्यक्ष केपी शर्मा ओलीले वरिष्ठ नेता माधवकुमार नेपाल आन्दोलन विरोधी भएको भन्दै उनलाई पार्टीमा कुनै ठाउँ नभएको बताएका छन्। एमालेको काठमाडौं जिल्ला कमिटीको बैठकलाई सम्बोधन गर्दै ओलीले यस्तो बताएका हुन।

‘माधव नेपाल जस्ता आन्दोलन विरोधी देशद्रोहीलाई कुनै ठाउँ छैन,’ उनले भने,  ‘वामपन्थी सरकार ढाल्ने, आफ्नो अध्यक्षले माग्दा पनि विश्वासको मत नदिने, दक्षिणपन्थी सरकारलाई मेरो विश्वास छ भनेर ह्विप क्रस गर्ने।’

नेपालले प्रतिक्रियावादीहरुसँग लागेर एमालेको सरकार ढालेको ओलीको आरोप छ। आउँदो चुनावमा आफ्नो पार्टीले बहुमत ल्याउने दाबी गर्दै ओलीले आफूहरुले फेरि जित्ने जिकिर गरे।