ललितपुर- ललितपुरको पाटन अस्पतालमा २४ घण्टामा ३ जना कोरोना संक्रमितको मृत्यु भएको छ।
अस्पतालका निर्देशक विष्णु शर्माका अनुसार सुनौलीकी ४१ वर्षीया महिलाको शुक्रबार मृत्यु भएको छ। उनी क्यान्सरको बिरामीसमेत रहेको डा. शर्माले जानकारी दिए।
त्यस्तै शुक्रबार बिहान सर्लाही घर भएका पुरुषको ४५ वर्षीय पुरुषको मृत्यु भएको थियो। डा. शर्माका अनुसार उनलाई ४/५ महिनाअघि कुकुरलेसमेत टोकेको थियो।
अस्पतालमा बिहीबार बेलुका विरगंजका ४५ वर्षीय कोरोना संक्रमितको पनि मृत्यु भएको थियो। योसँगै २४ घण्टामा पाटन अस्पतालमा ३ जना संक्रमितको मृत्यु भएको छ।