भारतमा कोरोनाबाट पूर्वमन्त्रीको निधन

एजेन्सी- भारतमा कोरोनाबाट एक पूर्व मन्त्रीको निधन भएको छ।

भारतीय कम्युनिष्ट पार्टीका वरिष्ठ नेता एवम् पश्चिम बंगालका पूर्व पारवहन मन्त्री श्यामल चक्रवर्तीको निधन भएको हो। उनी वाममोर्चा सरकारमा सन् १९८२ देखि १९९६ सम्म मन्त्री रहेका थिए।

उनको कोलकातास्थित एक अस्पतालमा निधन भएको हो। कोरोना पोजेटिभ भएपछि चक्रवर्तीलाई ३० जुलाईमा अस्पताल भर्ना गरिएको थियो।

अस्पताल भर्ना भएपछि पनि उनको स्वास्थ्यमा कुनै पनि सुधार नआएकोमा बिहीबार निधन भएको बीबीसी हिन्दीले जनाएको छ।